«Хат ва ундаги маълумотлар ҳеч қандай асосга эга эмас» — Олий ва ўрта махсус таълим вазирлиги

• 04.Апреля.2022
• 705

Ижтимоий тармоқларда хориждан ўқишни «перевод» қилиш ҳақида сохта ҳужжат тарқалаётгани ҳақида Олий ва ўрта махсус таълим вазирлиги матбуот котиби расмий муносабат билдирди.

"Ижтимоий тармоқларда хориждан ўқишни кўчириш бўйича Олий ва ўрта махсус таълим вазирининг биринчи ўринбосари К.Каримов имзоси туширилган хат ва ундаги маълумотлар ҳеч қандай асосга эга эмас, ёлғон.

Ҳурматли ижтимоий тармоқ фаоллари!

Ҳар хил сохта ахборотларга ишониб қолмасликларингизни яна бир бор сўраб қоламиз ва олий таълим муассасасига ўқишни кўчиришга доир ҳар қандай хабарнинг ҳақиқийлигини аввал вазирликнинг телеграмдаги @eduuz расмий канали орқали текшириб кўришингизни тавсия этамиз.

Шу билан бирга, асоссиз ва ёлғон ахборотни тарқатганлик учун қонунчиликда жавобгарлик белгиланганини яна бир бор эслатиб ўтамиз" — дейилади ахборотда.