Қисқа сатрларда

Яшил ҳудудлар ташкил этиш лойиҳалари муҳокама қилинди

Пиллачилик: Норинда ҳосил учун илк қадам ташланди

Вилоят раҳбари "Янги Ўзбекистон" боғи қурилиши билан танишди

Наманган халқаро аэропорти имкониятлари кенгайтирилади

Намангандаги бунёдкорлик лойиҳалари кўздан кечирилди

28 March, 2024, 11:15

Жамият

КАДАСТР ПАСПОРТИНИ ОЛИШ ТАРТИБИДАН ХАБАРДОРМИСИЗ?

  • 03.Ноября.2020
  • 3126


Ўзбекистон Республикаси Вазирлар Маҳкамасининг 2020 йил 2 сентябрда эълон қилинган «Кадастр соҳасида айрим давлат хизматлари кўрсатишнинг маъмурий регламентларини тасдиқлаш тўғрисида»ги қарори билан «Кўчмас мулк объектига кадастр паспортини бериш бўйича давлат хизматлари кўрсатишнинг маъмурий регламенти» тасдиқланди. Шунга мувофиқ, кўчмас мулк объектига кадастр паспортини бериш бўйича давлат хизматлари кўрсатиш тартиби белгиланди.
Мазкур регламентга кўра, юридик ва жисмоний шахслар томонидан энди кадастр паспортини олиш ҳамда белгиланган тартибда кўчмас мулкни давлат рўйхатидан ўтказиш учун ариза берувчининг ихтиёри билан бир вақтда ёки алоҳида мурожаат қилишлари мумкин. Белгиланган тартибда келишилган лойиҳа ҳужжатларига кўра объектнинг қурилиши (реконструкцияси) тугалланган тақдирда, битта сўровномага асосан кадастр паспорти, объектни фойдаланишга қабул қилиш далолатномаси, кўчмас мулк давлат рўйхатидан ўтказилганлиги тўғрисидаги реестрдан кўчирма бир вақтда берилади.
Кўчмас мулк объектига бўлган мулк ҳуқуқи ёки бошқа ашёвий ҳуқуқлар вужудга келганда, бошқа шахсга ўтганда, бекор бўлганда ёки кўчмас мулк объектининг ҳуқуқий ҳолати ўзгарганлигини тасдиқлаш ёки қурилиши (реконструкцияси) тугалланган бино ва иншоотларни фойдаланишга қабул қилиш бўйича мурожаат қилинганда, ариза берувчининг ихтиёрига кўра қоғоз ёки пластик шаклдаги кадастр паспорти берилади.
Бундан ташқари, ушбу регламент билан кадастр паспортини тайёрлашда объектнинг мураккаблигига қараб маълум муддатларда амалга оширилиши белгилаб қўйилди.

Масалан, кўчмас мулк объектларининг турар жойга оид қисми бўйича:

кўп квартирали уйдаги квартира — 3 иш кунигача;

якка тартибдаги турар жой — 5 иш кунигача. 
 

Кўчмас мулк объектларининг нотурар жойга оид қисми бўйича:

умумий майдони 100 кв.м. гача — 5 иш кунигача;

умумий майдони 100 кв.м дан 1 000 кв.м. гача — 7 иш кунигача;  

майдони 1 000 кв.м дан 5 000 кв.м. гача — 10 иш кунигача;  

майдони 5 000 кв.м дан 15 000 кв.м. гача — 15 иш кунигача;  

майдони 15 000 кв.м дан 50 000 кв.м гача — 20 иш кунигача;  

майдони 50 000 кв.м дан ортиқ — 25 иш кунигача

ва ажратилган ер участкалари бўйича — 3 иш кунигача амалга оширилади.

Кадастр (йиғмажилди) паспорти йўқолганда (яроқсиз ҳолга келганда), қоғоз ёки пластик шаклда янги кадастр паспорти икки иш куни мобайнида берилади.

Дилноза ЗОКИРОВА,
Наманган шаҳар  Давлат хизматлари 
маркази бош мутахассиси.

Энг кўп ўқилганлар

Календарь