Наманган вилояти Йўл ҳаракати хавфсизлиги бошқармасига янги раҳбар тайинланди

• 30.Апреля.2022
• 918

Наманган вилояти Ички ишлар органлари тизимида тайинлов амалга оширилди. Республика Ички ишлар вазирининг тегишли буйруғи билан подполковник Анвар Абдуазизович Ҳафизов Наманган вилояти ИИБ Йўл ҳаракати хавфсизлиги бошқармаси бошлиғи лавозимига тайинланди.

Янги раҳбар вилоят ИИБ Жамоат хавфсизлиги ЙҲХБда бўлиб ўтган йиғилишида шахсий таркибга расман таништирилди. 

Анвар Ҳафизов 1978 йилда Самарқанд шахрида туғилган. Маълумоти олий, Самарқанд давлат университетининг ҳуқуқшунослик факультетини тамомлаган. Мутахассислиги юрист. Ички ишлар идораларидаги меҳнат фаолиятини Тошкент шаҳар Ички ишлар бош бошқармасида бошлаган. Меҳнат фаолияти давомида Ички ишлар вазирлиги Йўл ҳаракати хавфсизлиги бош бошқармасида турли масъул ва раҳбарлик вазифаларида ишлаган. Подполковник Анвар Ҳафизов янги тайинловга қадар, яъни 2019 йилдан ҳозирги вақтга қадар Навоий вилояти ИИБ Йўл ҳаракати хавфсизлиги бошқармаси бошлиғи лавозимида фаолият юритиб келаётган эди. 

Оқилхон Дадабоев