Қисқа сатрларда

Анъанавий «Гуллар фестивали» ўтказилиш санаси маълум қилинди

Яшил ҳудудлар ташкил этиш лойиҳалари муҳокама қилинди

Пиллачилик: Норинда ҳосил учун илк қадам ташланди

Вилоят раҳбари "Янги Ўзбекистон" боғи қурилиши билан танишди

Наманган халқаро аэропорти имкониятлари кенгайтирилади

29 March, 2024, 05:42

Қишлоқ хўжалиги

КОЛОРАДО ҚЎНҒИЗИГА ҚАРШИ ҚАНДАЙ КУРАШИЛАДИ?

  • 08.Июня.2021
  • 1169

Дастлаб Америка Қўшма штатларининг Колорадо штатида тарқалган Колорадо қўнғизи  ашаддий зараркунандалардан бири ҳисобланади.

Тупроқнинг 20-50 см чуқурлигида қишлайдиган ҳашарот апрель ойида  ўсимликларга зарар етказишни бошлайди.
Урғочилари барглар орқасига ва ўсимлик қолдиқларига тўп-тўп қилиб тухум қўяди. Битта урғочи қўнғиз 500-800 та, баъзида эса 2400 гача тухумлаши мумкин. 
Тухумларининг ривожланиши 3-5, ғумбагиники эса 6-9 кундир. Қуртлари  20 кун атрофида ўсимликлар барги билан озиқланиб, тупроқда ғумбакка айланади. 1-2 ҳафтадан сўнг пайдо бўлган ёш қўнғизлар  ҳам дарров тухумлашга киришади.

Колорадо қўнғизи картошка, помидор, бақлажон, тамаки, қалампир, ёш терак ва  итузумсимон ўсимликларга зарар етказади. Бир туп картошкага ўртача 20-40 қурт ва қўнғиз тўғри келганда,  ўсимлик баргининг ярмисини еб, ҳосилдорликни 2-3 мартага камайтиради. Барги тўлиқ еб битирилган ўсимликлар ҳосили эса 10 мартагача озайиши мумкин. 
Ўзбекистонда об-ҳаво шароитига қараб 2-4 марта насл берадиган ушбу зараркунандага қарши кураш чораларини ўз вақтида кўриш керак.  Чунки қўнғизлар бир экин майдонидан иккинчисига учиб ўтиб,  жудаям тез тарқалади. 

Кураш жараёнида қуйида номлари санаб ўтилган препаратлардан бири 500-600 л/га сувда аралаштириб пуркалади:
Детсис – 0,5 л/га;
Карате – 0,35 л/га;
Суми-Альфа – 0,5 л/га;
Бензофосфат (фозалон) – 2,0 кг/га;
Регент – 20-25 кг/га;
Нурел Д – 0,7 л/га.

Кимёвий ишлов бериш жараёнини барча далаларда бирданига олиб бориш мақсадга мувофиқдир.

Фарҳод САМАДОВ, 
вилоят ўсимликлар карантини давлат инспекцияси инспектори.

Энг кўп ўқилганлар

Календарь