Наманганда буғдой ўрими бошланди

• 06.Июня.2023
• 418

Бу йил вилоят бўйича 67 минг 750 гектар майдонга ғалла экилган.  Ҳосилдорликни ўртача 78,4 центнерга етказиб, 530 минг 999 тонна дон етиштириш режалаштирилган. 

Туман ҳокимлиги ахборот хизматидан маълум қилишларича,  Мингбулоқ туманидаги 312 та фермер хўжалиги томонидан 9085 гектар майдонда буғдой  етиштирилмоқда. Куни кеча «Истиқбол» ММТП ҳудудидаги «Муҳаммад сардор азиз» фермер хўжалигида туманда биринчи бўлиб ғалла ўримига старт берилди. 

Айни пайтда пишиб етилаётган  ҳосилни юқори унумдор комбайнлар ёрдамида қисқа фурсатларда ўриб-янчиб, қабул масканларига етказиш мақсад қилинган. 

Умуман   туман бўйича мавсумда 54 та махсус отряд ташкил этилиб,  буларга 270 тадан ортиқ зарур техника жалб қилинди.