Рамазон - меҳр-мурувват ойи (видео)

• 04.Апреля.2022
• 1097

Рамазон ойининг рўзаси Исломнинг беш шартидан бири бўлиб, пайғамбар Муҳаммад (с.а.в) умматларига фарз қилинган.

Қуръони Каримда: «Сизларга ҳам саноқли кунларда рўза тутиш фарз қилинди», «Сизлардан ким бу ойга ҳозир бўлса, рўза тутсин» каби хитоблар билан рўзанинг фарзлиги собит бўлган ва фиқҳий асосларидан баҳс юритилган.

Ҳадиси қудсийлардан бирида:
«Рўза мен учундир ва унинг мукофотини мен бераман», дейилади ва рўзанинг хос ибодат эканлигига ишора қилинади.

Диннинг устуни намоз бўлса, жамиятники – закот, руҳники эса рўзадир.

Рўзанинг барча хусусияти ва ҳикмати ёлғиз Аллоҳга аён. Бир нарса аниқки, Рамазон – раҳмат ва мағфират ойи, ойларнинг султони ва энг улуғидир. Рўза руҳни озиқлантиради. Моддий ва маънавий зарарлардан муҳофаза этади.

Билолхон Рустамов, 
Ахси саййидлари мажмуаси раҳбари.

Ҳотам Мамадалиев (видео), ЎзА