Наманганда «Coca-Сola» бренди остидаги салқин ичимликлар ишлаб чиқариш» лойиҳаси амалга оширилади

• 21.Декабря.2023
• 480

Вилоят ҳокими Шавкат Абдураззоқов «CCI Namangan Limited» масъулияти чекланган жамияти вакилларини қабул қилди.

Мазкур корхона томонидан «Coca-Сola» бренди остидаги салқин ичимликлар ишлаб чиқариш»га оид қиймати биринчи босқичда 27,7 млн. ва иккинчи босқичда 23,3 млн. умумий 50 млн. АҚШ доллари қийматидаги лойиҳа амалга оширилиши режалаштирилган.

Ушбу лойиҳа 2024 йил якунига қадар ишга туширилади. Натижада 300 нафар янги иш ўрни яратилади ва йилига қиймати 750 млрд. сўмлик маҳсулот ишлаб чиқарилади.

Вилоят ҳокими лойиҳа қурилиш ишларини бошлаш учун тўсқинлик қилаётган муаммоларни бартараф этиш бўйича мутасаддиларга тегишли кўрсатмалар берди.

Наманган вилояти ҳокимлиги ахборот хизмати