НАМАНГАНЛИК ДАСТУРЧИЛАР ВИЛОЯТ ИҚТИСОДИЁТИГА 1,2 МИЛЛИОН ДОЛЛАР ФОЙДА КЕЛТИРДИ

• 08.Октября.2021
• 1011

“DataSite” халқаро компаниясининг Наманган вилояти бўлимида 80 нафардан зиёд иқтидорли дастурчилар жамланган.

Наманган шаҳридаги давлат хизматлари маркази ва Мономарказ биноларидан ажратилган жойда иш олиб бораётган бу дастурчилар томонидан жорий йилнинг тўққиз ойида ақлий меҳнат эвазига яратилган 1,2 миллион АҚШ доллари қийматидаги дастурий таъминот хорижга экспорт қилинди.

- Келгуси йилда ходимларимиз сонини икки баробарга ошириб, 150 нафарга етказишни мўлжаллаяпмиз, - дейди компания менежери Муҳиддин Ҳасанов. - Натижада иш ҳажми тўрт баробарга ошади. Бунга имкониятларимиз етарли. Халқаро тендерларда фаол иштирок этмоқдамиз. Сўнгги икки танловда таклифларимиз билан Буюк Британия ва Америка компаниялари буюртмаларини ютиб олдик.

Қудратилла НАЖМИДДИНОВ.