БАНАННИ ҲАМ ЎЗИМИЗДА ЕТИШТИРИШ МУМКИН

• 30.Мая.2020
• 1291

Янгиқўрғон туманида қишлоқ хўжалиги соҳасида қатор инновацион лойиҳаларни амалга ошириш режалаштирилган. 

Шулардан бири - «Valley mountain fruits» масъулияти чекланган жамияти  томонидан тақдим этилган қишлоқ хўжалиги маҳсулотларини етиштириш, қайта ишлаш ҳамда органик маҳсулотлар экспортини амалга ошириш инфратузилмасини ташкил этиш лойиҳасидир. 

Умумий қиймати  48 миллиард сўм бўлган мазкур мегалойиҳа замонавий иссиқхоналарда банан, лимон етиштириш, музлаткич омбори ва ёрдамчи биноларни қуриш, пластмасса яшикларни ишлаб чиқаришни йўлга қўйиш сингари кичик лойиҳаларни ўз ичига олган. 
Вилоят ҳокими Хайруло Бозоров лойиҳанинг тақдимотида уни тез фурсатларда амалга ошириш, бу билан ўттиз мингдан зиёд аҳолига эга Бирлашган қишлоғида ишсизликни камайтириш, экспорт амалиётларини йўлга қўйиш юзасидан тегишли вазифаларни белгилаб берди.