ДЕВПЕЧАК – ХАВФЛИ БЕГОНА ЎТ

• 12.Марта.2021
• 2625

Кейинги йилларда айрим боғ-токзорларда девпечак (кускута) карантин бегона ўти тарқалиши ва унинг ўсимликларга зарар етказиши кузатилмоқда.

У энг зарарли бегона ўтлардан бири ҳисобланади.

Шунингдек, маданий ўсимликларнинг ширасини сўриб, қишлоқ хўжалигига ва боғдорчиликка  катта зарар келтиради.

Айниқса, ариқ бўйларидаги кўп йиллик дарахтлар, тут ва мевали ўсимликларни зарарлайди.

Девпечак дарахт ва ток новдаларига чирмашиб, аста-секин экинни батамом қуритади.

Шу боис боғбонларимиз дарахтларга чирмашган девпечак пояларини синчковлик билан тозалаб, куйдиришлари ёки чуқурга кўмиб ташлашлари керак. Ариқ атрофида тарқалган девпечаклар уруғлагунга қадар кимёвий препарат пуркалиб йўқотилади. Бунда аммиак селитраси 10 л. сувга 1,5 кг ёки карбамид 1 кг ҳисобида эритилиб, жиққа ҳўлланиб пуркалади.

Фарҳод САМАТОВ,

Наманган вилояти ўсимликлар карантин Давлат инспекцияси инспектори.