Хушхабар: Тўрақўрғонда пахта очилди

• 11.Июля.2023
• 1489

Уста пахтакорларнинг айтишича, тарихда июль ойининг ўнинчи санасида пахта очилмаган.

Туманнинг энг илғорларидан бири — "Бахтиёр, Неъмат, Шавкат" фермер хўжалигида 148 гектар пахта майдони бўлиб, юз фоиз томчилатиб суғоришга ўтилган. Шу боис далаларда сувдан, ўғитдан муаммо бўлмади, экинни бегона ўт босмади. Хўжалик ихтиёридаги техникалар уларга қанот вазифасини ўтади.

Бугун фермер хўжалиги даласида илк пахта очилди. Эрта-индин эса етилиб турган кўсаклар бодроқдек сочилиши турган гап. Демак, теримга ҳам ҳар доимгидан эрта киришилади. Ҳосилнинг баракасини берсин!