Қисқа сатрларда

200 кВт.соат лимит оширилишига асос мавжуд эмас — Энергетика вазирлиги

Ахсикентда ноёб экспонатлар ва Абу Наср Форобий қаламига мансуб китоб топилди

Чиқиндини қаерга ташлайлик?!

«Ҳоким ва ёшлар» учрашуви: таклиф ва ташаббуслар қўллаб-қувватланди

Ахсикент ҳақида тарихий фильм яратилади

12 July, 2024, 09:52

Қишлоқ хўжалиги

Помидордаги вирус касаллигини биласизми?

  • 27.Апреля.2024
  • 340

Помидор туганакларида жигарранг бужмайиш вирус касаллигида зарарланган баргларнинг банди пастга қараб қийшаяди. Поя ва барглардаги зарарланган жойлар яшил, намлик билан тўйинган ноаниқ шаклдаги йирик доғлар кўринишига эга бўлади.

Мазкур доғларнинг ўлчами ортиб боради, жигарранг тусга киради ва қоғозсимон бўлиб қолади. Мевалардаги зарарланган жойлар эса қаттиқ ноаниқ шаклдаги катта жигарранг-яшил доғлар кўринишида ифодаланади. Мевадаги бундай зарарланган жойнинг юзаси дағал, мойсимон кўринишда бўлади.

Бу вирусли касаллик биринчи марта 2015 йилда Иордания ва Исроилда қайд этилган. Вирус тобамовирус турига мансуб, жуда тез тарқалиш хусусиятига эга. 

Касаллик аломатлари помидор навига қараб енгил ва оғир бўлиши мумкин. Касалликнинг енгил кўринишида мозаикалар ҳосил бўлади, барглар ранги ўзгаради. Оғир кўринишда эса меваларда жигарранг ажин ва доғлар ҳосил бўлиши баробарида меваларнинг сарғайиб кетиши ҳамда барглар ҳолати ўзгариши мумкин.

Касаллик уруғлар, вирус билан ифлосланган асбоблар, кийимлар, механик воситалар орқали тарқалади. Чангланиш вақтида ҳам тарқалиши мумкин. Жигарранг вирус касаллигига чидамли помидор навлари шу кунгача аниқланмаган.
ToBRFV вируси помидор етиштирувчилар учун катта иқтисодий зарар келтиради.

К. НИЗОМОВ,
С. ТУРСУНБОЕВ,
“Наманган халқаро аэропорти” УКЧМ инспекторлари.

Энг кўп ўқилганлар

Календарь