Сабзавот ва полиз экинлари зараркунанда касалликларини биласизми?

• 19.Сентября.2023
• 802

Маълумки, очиқ майдон ҳамда иссиқхоналардаги сабзавот ва полиз экинларига турли хил зараркунандалар катта зарар етказади.

Юртимизда ўсимлик битлари, оққанот, ғовакловчи пашша, занг канаси, тунламлар, колорадо қўнғизи, карам бити, карам оқ капалаги қуртлари, пиѐз пашшаси, сабзи пашшаси, сабзавот экинлари касалликларидан помидорнинг фузариоз сўлиш касаллиги, помидорнинг вертициллиоз сўлиш касаллиги, помидорнинг фитофториоз ва қўнғир доғланиш, кулранг чириш касалликлари, помидорнинг вирус касалликлари (тамаки мозайкаси, жуфт стриги) ва бошқа касаллик турлари мавжуд.

Охирги йилларда республикамизда учрамайдиган зарарли ҳашарот ва каналар ҳар хил йўллар билан кириб келмоқда. Бунга мисол қилиб сабзавот, полиз ва картошка зараркунандаларидан колорадо қўнғизи, иссиқхона оққаноти, ғўза оққаноти, ғовакловчи пашшалар, занг канаси, қовун пашшасини кўрсатиб ўтиш жоиз. Ундан ташқари, қўшни республикалардан Америка капалаги ва картошка куясининг кириб келиш хавфи анча юқори.

Абдувоид ОТАХОНОВ,

вилоят Ўсимликлар карантин ва ҳимояси бошқармаси Наманган халқаро

аэропорти ўсимликлар карантини инспектори