УЙЧИДА ИСПАНИЯ КЎЧАТЛАРИ ЭКИЛГАН БОҒ ЯРАТИЛДИ

• 04.Мая.2020
• 1651

Уйчида Испаниядан келтирилган кўчатлар билан интенсив боғ барпо этилди.

“Уйчи Соҳибкор агроэкспорт” МЧЖ томонидан ташкил этилган 170 гектар майдондаги интенсив боғда асосан ўрик ва олхўри кўчатлари парваришланмоқда.

Корхона 2020 йил охирида боғда тўлиқ томчилаб суғориш тизимини ишга туширишни режалаштирган. 2023 йилдан бошлаб йилига 2700 тонна ўрик ва 4000 тонна экспортбоп олхўри етиштирилади.

Бугунги кунда интенсив боғда 20 та доимий ва 70 та мавсумий иш ўринлари яратилган. Кўчатлар орасидан ҳам самарали фойдаланилиб, турли сабзавот ва дуккакли экинлар экилган.