НамМТИда конституция ислоҳотларига бағишланган давра суҳбати ўтказилди

• 26.Июня.2022
• 541

Наманган муҳандислик-технология институтида конституциявий ислоҳотларнинг мазмун-моҳиятига бағишланган давра суҳбати ўтказилди. Унда, проректорлар, факультетлар деканлари, кафедра мудирлари ҳамда талаба ёшлар иштирок этди.
Институт ректори, халқ депутатлари вилоят Кенгаши депутати Одилжон Маматкаримов  «Ўзбекистон Республикаси Конституциясига ўзгартириш ва қўшимчалар киритиш тўғрисида»ги Ўзбекистон Республикаси конституциявий қонуни лойиҳасида назарда тутилган энг асосий нормаларга тўхталди. Шунингдек, йиғилганларга биринчи ўқишда қабул қилинган конституциявий қонун лойиҳаси ҳақида атрофлича маълумот берди. 

Конституциявий қонун лойиҳаси Бош қомусимизнинг 64 та моддасига 200 дан ортиқ ўзгартиришлар киритишни назарда тутади. Бундан ташқари, унга 16 та янги нормани ўз ичига олган 6 та янги модда киритиш таклиф қилинмоқда. 
– Айни кунларда минглаб юртдошларимиз Ўзбекистон Республикаси Конституциясига ўзгартиришлар киритиш жараёнида фаол иштирок этмоқда. Хусусан, институтимиз ўқитувчи ва талабалари ҳам ўз таклифларини тақдим қилишди, – деди Одилжон Маматкаримов. – Бугун юртимизда катта ислоҳотлар амалга оширилмоқда. Бундай ишларни фаол давом эттириш учун конституциявий ислоҳотлар зарур эди…

Учрашувда Бош қомусимизга киритилаётган ўзгартириш ва қўшимчалар, бунинг зарурати ва аҳамияти ҳақида батафсил сўз юритилди.  Қатнашчиларнинг фикр-мулоҳазалари ва таклифлари тингланди. 

Маъмуржон ЭРГАШЕВ, 
НамМТИ ахборот хизмати раҳбари.