МУРОДЖОН АҲМАДАЛИЕВ ЧЕМПИОНЛИК КАМАРЛАРИНИ ТОШКЕНТДА ҲИМОЯ ҚИЛАДИ

• 03.Апреля.2021
• 1211

Бугун (2021 йил 3 апрель) пойтахтимиздаги «Humo Arena»да профессионал бокс кечаси ташкил этилади. Наманган спорт мактаби тарбияланувчиси, «Рио-2016» ёзги Олимпия ўйинлари совриндори Муроджон Аҳмадалиев япониялик Рёсукэ Иваса билан рингга чиқиб, «WBA» ва «IBF» чемпионлик камарларини ҳимоя қилади.

Ўзбекистон миллий Олимпия қўмитаси, Бокс федерацияси, «Matchroom Boxing» промоутерлик компанияси ва «DAZN» платформаси томонидан ташкил этилаётган мазкур нуфузли спорт мусобақаси асосий жангдан ташқари бир қатор чарм қўлқоп усталари ҳам рингга кўтарилади.
Жумладан, спорт ихлосмандлари Шаҳрам Ғиёсов – Патрисио Лопес Морено (Мексика), Исроил Мадримов – Эммануэль Каломбо (Конго), Баҳодир Жалолов – Кристапс Зутис (Латвия), Ҳасанбой Дўсматов – Муҳсин Кизота (Танзания), Иқболжон Холдоров – Кулва Бушири (Танзания), Санжар Турсунов – Иван Юхта (Украина), Миразизбек Мирзахалилов – Таша Мжуажи (Танзания) ўртасидаги баҳсларга ҳам гувоҳ бўладилар.

Оқилхон ДАДАБОЕВ.