Косонсойда ёғ-мой ишлаб чиқариш корхонаси иш бошлади

• 27.Января.2025
• 361

Косонсой туманида "Namangan paxta teks" МЧЖ томонидан ҳудудий инвестиция дастури доирасида умумий қиймати 30 млрд. сўм маблағ эвазига ёғ-мой ишлаб чиқариш комплекси ташкил этилганди.

Ушбу йирик лойиҳа ўз фаолиятини бошлагач, 110 нафар ишсиз аҳоли бандлиги таъминланди.

— Лойиҳамиз ишга туширилиши натижасида йилига 18 минг тонна чигитни қайта ишлаб, 3500 минг тонна сифатли ёғ, 9,5 минг тонна шрот, 5,5 минг тонна шелуха ишлаб чиқарилиши йўлга қўйилди, — дейди "Namangan paxta teks" МЧЖ раҳбари Лутфулло Эгамбердиев.

Наманган вилояти ҳокими Шавкатжон Абдураззоқов мазкур корхона фаолияти билан танишди.

Бу каби ишлаб чиқариш нафақат бандлик, аҳолининг ёғ-мой маҳсулотларига бўлган талаб ва эҳтиёжларини қондириш, бозорларни рақобатбардош, сифатли халқ истеъмол моллари билан тўлдиришда ҳам муҳим ўрин тутиши алоҳида таъкидланди.

Наманган вилояти ҳокимлиги Ахборот хизмати.