Қисқа сатрларда

Маккажўхори касалликлари: уларга қарши қандай курашамиз?

Қовун зараркунандаларига қарши қандай курашамиз?

Боғлардаги зараркунанда ва касалликларни қандай йўқотса бўлади?

Учқўрғон туманида янги ҳоким иш бошлади

«Гуллар фестивали»нинг яна бир жилоси

18 June, 2024, 07:59

Технология

Покистонлик тадбиркор Янги Наманганда парфюмерия маҳсулотлари ишлаб чиқаради

  • 27.Мая.2024
  • 319

Наманганнинг иқтисодий салоҳияти, бу ерда яратилган қулай тадбиркорлик муҳити билан яқиндан танишган покистонлик сармоядор Муҳаммад Сарвар Чаудхари вилоятда ўз бизнесини йўлга қўймоқда. У Янги Наманган туманида «Hero Brands» номи остида парфюмерия маҳсулотлари ишлаб чиқармоқчи.

– Қиймати 10 миллион АҚШ долларига тенг бўлган мазкур лойиҳа билан вилоятимизда парфюмерия саноатига асос солинмоқда, – дейди Янги Наманган тумани ҳокимининг инвестициялар ва савдо масалалари бўйича ўринбосари Маҳаммаджон Жамолиддинов. – Хорижий сармоядор минтақада гулчилик ривож топгани ва хом ашё масаласида катта имкониятни ҳисобга олиб, бу ишга қўл урганини айтди.

Тумандаги «Ёшлик» кичик саноат зонасидан хорижий корхона учун ер ажратиб берилди. Икки йил ичида ниҳоясига етказиладиган лойиҳага кўра, бу ерда 25-30 турда парфюмерия буюмлари ишлаб чиқарилади. Улар рўйхатида хушбўйлиги юқори бўлган қимматбаҳо атирлардан тортиб, кундалик гигиена ашёларигача бор. Маҳсулотнинг 80 фоиздан кўпроғи экспортга чиқарилади.

Қудратилла НАЖМИДДИНОВ, «Халқ сўзи». 

Энг кўп ўқилганлар

Календарь