Айрим турдаги касалликлар учун хавфсизлик камарини тақмасликка рухсат берилади

• 17.Апреля.2022
• 692

Янги таҳрирдаги Йўл ҳаракати қоидаларига кўра, ҳайдовчи ва машинанинг олд ўриндиғида ўтирган йўловчига хавфсизлик камарини тақиш шарт қилиб белгиланмоқда. Бунда касаллиги бўлган айрим фуқароларга камарни тақмасликка рухсат берилган.

Маълум бўлишича, 8 турдаги касаллик ҳолати учун тиббий маълумотнома талаб этмасдан хавфсизлик камарини тақмасликка рухсат берилади:

— умров ва тўш суякларининг синишлари;

— елка камари синиши;

— ўпканинг сурункали обструктив касалликлари (IV босқич);

— бронхиал астма (IV босқич);

— ўпканинг интерстициал зарарланиши, ўпканинг бир қисми ёки бутун қисмини (чап ёки ўнг) олиб ташланган;

— сурункали юрак етишмовчилигининг III босқичи ва декомпенсация босқичи ҳамда ҳомиладор аёллар шулар жумласидандир.

Маълумот учун, янги таҳрирдаги Йўл ҳаракати қоидалари 2022 йил 1 майдан кучга киради.