Қисқа сатрларда

Маккажўхори касалликлари: уларга қарши қандай курашамиз?

Қовун зараркунандаларига қарши қандай курашамиз?

Боғлардаги зараркунанда ва касалликларни қандай йўқотса бўлади?

Учқўрғон туманида янги ҳоким иш бошлади

«Гуллар фестивали»нинг яна бир жилоси

18 June, 2024, 08:28

Ҳужжатлар

Наманганда ҳайдовчилик гувоҳномаси олиш учун инновацион имтиҳон маркази ишга тушди

  • 06.Февраля.2024
  • 398

Бугун Наманган вилоятида ҳайдовчилик гувоҳномаси олувчилар учун ихтисослашган янги инновацион имтиҳон маркази ишга тушди.

Давлатобод туманининг “Юксалиш” маҳалласи ҳудудида фаолият бошлаган мазкур марказ кунига ўртача 500 мижозга хизмат қила олади.

Унинг тантанали очилиш маросимида Наманган вилояти ҳокими Шавкатжон Абдураззоқов қатнашди ва имтиҳон олиш тизимида рақамлаштириш кучайтирилиб, инсон омили камайтирилгани йўллардаги қоидабузарликларга барҳам беришини таъкидлади.

Шундан сўнг, "Наманган вилояти имтиҳон маркази" ўз фаолиятини бошлади. Тадбир иштирокчилари яратилган қулайлик ва имкониятлар билан яқиндан танишдилар. 

Бу ерда бўлажак ҳайдовчиларни имтиҳондан ўтказиш учун зарур бўлган барча шароит: замонавий жиҳозланган ўқув хоналаридан тортиб, автоматлаштирилган автодромгача мавжуд. 

Йиғилганлар кейинги вақтларда ҳайдовчилик гувоҳномасини олмоқчи бўлганлар имтиҳон топшириш учун қўшни вилоятларга боришига тўғри келаётгани, бундай марказнинг ўзимизда барпо этилгани айни муддао бўлганини эътироф этдилар. 

Наманган вилояти ҳокимлиги Ахборот хизмати.

Энг кўп ўқилганлар

Календарь