Қисқа сатрларда

200 кВт.соат лимит оширилишига асос мавжуд эмас — Энергетика вазирлиги

Ахсикентда ноёб экспонатлар ва Абу Наср Форобий қаламига мансуб китоб топилди

Чиқиндини қаерга ташлайлик?!

«Ҳоким ва ёшлар» учрашуви: таклиф ва ташаббуслар қўллаб-қувватланди

Ахсикент ҳақида тарихий фильм яратилади

12 July, 2024, 09:19

Жамият

Мактабларда «Сўнгги қўнғироқ» тадбирлари чекланган ҳолда ўтказилади

  • 14.Мая.2024
  • 310

Мактабгача ва мактаб таълими вазирлиги томонидан умумтаълим муассасаларида 2023-2024-ўқув йилини якунлаш ва «Сўнгги қўнғироқ» тадбирини ўтказиш бўйича тавсиялар ишлаб чиқилди. 

Унга кўра, «Сўнгги қўнғироқ» тадбири 25 май куни соат 8:00 дан 9:00 га қадар ташкил этилади. Тадбирга мактаб ўқувчилари сонидан келиб чиққан ҳолда фақат 1-, 4-, 9-, 11-синф ўқувчилари жалб этилади. 

Тадбир маҳалла фаоллари, ота-оналар ва ҳуқуқни муҳофаза қилиш идоралари вакиллари билан ҳамкорликда ёнғин ва техника хавфсизлиги қоидаларига амал қилинган ҳолда ташкил этилади. Унга фахрий ўқитувчилар, ота-оналар, маҳалла фаоллари, мактабнинг собиқ битирувчилари таклиф этилади. 

Шу билан бирга, тадбирда йил давомида аъло баҳоларга ўқиб, энг юқори рейтинг кўрсаткичларига эришган иқтидорли битирувчилар рағбатлантирилиши мумкин. 

2023-2024-ўқув йилини якунлаш ва «Сўнгги қўнғироқ» тадбирини ўтказишда қуйидагилар тақиқланади: 

- турли ресторан ва кафелар, хонадонларда «Битирув оқшоми»ни ўтказиш, имтиҳон ва якуний давлат аттестасиясини ўтказишда, таълим муассасасини янги ўқув йилига тайёрлаш баҳонасида ўқувчилардан пул йиғиш;

- ўқувчилардан қимматбаҳо совғалар учун пул йиғиш, битирув кечаларига атаб қиммат кийимлар олиш, енгил автомашиналарда сайр ташкил этиш;

- ўқувчиларнинг гуруҳ-гуруҳ бўлиб хиёбонлар, истироҳат боғлари, чўмилиш ҳавзаларига бориши.

Энг кўп ўқилганлар

Календарь