Марказ учун янги бино топширилди

• 07.Декабря.2024
• 447

Ўзбекистон Республикаси Конституцияси қабул қилинганлигининг 32 йиллик байрами  муносабати билан Наманган шаҳрида ҳам бир қатор янги объектлар фойдаланишга топширилди. 

Ўзбекистон Республикаси Президенти ҳузуридаги Ижтимоий ҳимоя миллий агентлиги вилоят бошқармаси ҳамда Наманган шаҳар "Инсон" ижтимоий хизматлар марказининг янги бинолари тақдимоти бўлиб ўтди.

Тантанали маросимда вилоят ҳокими Шавкат Абдураззоқов янги бино аҳолини манзилли ҳимоя қилиш ва ижтимоий хизмат кўрсатиш жараёнларини янада самарали ташкил этишда муҳим эканлигини таъкидлади.  

Мазкур бинони таъмирлаш ишларига 8,6 миллиард сўмдан ортиқ маблағ сарфланди. 

Эндиликда шаҳар марказида жойлашган ушбу бинода фуқароларга барча қулайликлар яратилган бўлиб, улар сифатли ижтимоий хизматлардан фойдаланишлари мумкин.

Наманган шаҳар ҳокимлиги ахборот хизмати.