Миллий гвардиянинг Наманган вилояти бўйича бошқармасига янги раҳбар тайинланди

• 25.Февраля.2024
• 891

Вилоят ҳокимлигида Миллий гвардиянинг Наманган вилояти бўйича бошқармаси бошлиғи лавозимига тайинланган полковник Маматов Ҳамидулла Эгамқулович жамоатчиликка таништирилди. 

Полковник Маматов, 1978 йилда Самарқанд вилоятида туғилган, оилали 3 нафар фарзанди бор, маълумоти олий, 2001 йилда Ички ишлар вазирлиги Тошкент олий ҳарбий-техник билим юртини ва 2010 йилда Ўзбекистон Республикаси Қуролли Кучлари Академиясини тамомлаган.

Полковник Маматов 2022 йилдан ҳозирга қадар Миллий гвардия марказий девони Режалаштириш ва ахборот-таҳлил фаолияти бош бошқармаси бўлими бошлиғи лавозимида хизмат қилиб келаётган эди.

2016 йилда "Содиқ хизматлари учун" медали билан тақдирланган.

Наманган вилояти ҳокимлиги Ахборот хизмати.