НАМАНГАН ОЛИЙ ТАЪЛИМ ИНСТИТУТЛАРИДА ТАЙИНЛОВЛАР АМАЛГА ОШИРИЛДИ

• 26.Апреля.2021
• 1275

Ўзбекистон Республикаси Олий ва ўрта махсус таълим вазирининг 2021 йил 26 апрелдаги буйруғига кўра, Наманган муҳандислик-технология институти ва Наманган муҳандислик-қурилиш институтида тайинловлар амалга оширилди. Бу ҳақда Олий ва ўрта махсус таълим вазирлиги хабар бермоқда.

1. Ўзбекистон Республикаси Олий ва ўрта махсус таълим вазирининг 2021 йил 26 апрелдаги буйруғи билан Сахобитдин Юсупович Султонов Наманган муҳандислик-технология институтининг молия-иқтисод ишлари бўйича проректори лавозимига тайинланди.

Сахобитдин Султонов 1963 йил Наманган вилоятида туғилган. Тошкент тўқимачилик ва енгил саноат институти (1988 йил)ни тамомлаган.

Шу кунга қадар Наманган муҳандислик-технология институтининг ишлар бошқармаси бошлиғи лавозимида ишлаган.

2. Ўзбекистон Республикаси Олий ва ўрта махсус таълим вазирининг 2021 йил 26 апрелдаги буйруғи билан Пайзиллахон Юсуфхонович Караев Наманган муҳандислик-қурилиш институтининг молия-иқтисод ишлари бўйича проректори лавозимига тайинланди.

Пайзиллахон Караев 1971 йил Наманган вилоятида туғилган. Наманган муҳандислик-педагогика институти (2007 йил) ва Тошкент давлат иқтисодиёт университети (2010 йил)ни тамомлаган.

Шу кунга қадар Наманган муҳандислик- қурилиш институтининг ишлар бошқармаси бошлиғи лавозимида ишлаган.