Намангандан Жиддага илк тўғридан-тўғри парвоз амалга оширилди

• 02.Апреля.2023
• 570

Наманган халқаро аэропорти МЧЖ томонидан «CentrumAir» хусусий авиакомпанияси билан ҳамкорликда илк маротаба Наманган-Жидда йўналишидаги авиақатновлар йўлга қўйилди.

Авиакомпаниянинг «B-737» русумли ҳаво кемаси Наманган шаҳридан Саудия Арабистонининг Жидда шаҳрига 150 нафар йўловчини олиб кетди. Ушбу рейс водийнинг марказий ҳаво дарвозасидан ҳафтасига ўн мартагача амалга ошириш режалаштирилган.

Маълумот ўрнида, бугунги кунда Наманган халқаро аэропортидан Россия, Саудия Арабистони, Қувайт, Уммон, Бирлашган Араб Амирликлари сингари мамлакатлардаги 18 та шаҳарларга мунтазам авиақатновлар амалга ошириб келинмоқда.

Оқилхон Дадабоев