Наманганлик ўқувчи муддатидан аввал дунёнинг ТОП-100талигига кирувчи ОТМ талабаси бўлди

• 24.Марта.2025
• 532

Тўрақўрғон туманидаги ихтисослаштирилган мактабнинг 11-синф ўқувчиси Шукрулло Абдусатторов юксак марраларни забт этишни кўзлаган ёшлардан. 

Халқаро IELTS синовларида 7.5, SATдан 1470 балл тўплашга эришган иқтидор эгаси бирданига жаҳоннинг ўндан ортиқ нуфузли университетларидан ўқишга таклиф олди. Қувонарлиси, билимдон ўқувчи дунёнинг топ 100 талигига кирувчи АҚШдаги Pennsylvania State University талабасига ҳам айланди. 

Шукрулло Абдусатторов жорий йил математикадан асосий фан олимпиадасининг Республика босқичида иштирок этиш ҳуқуқини қўлга киритди.

Вилоят мактабгача ва мактаб таълими бошқармаси ахборот хизмати.