Рамазон – меҳр-саховат ойи

• 13.Марта.2024
• 544

Рамазон ойи муносабати билан юртимизнинг барча маҳаллаларида халқимиз розилигини олиш ҳамда кўтаринки кайфият улашиш мақсадида ифторликлар ташкил этилмоқда.

Бу каби ифторликлар Уйчи туманида ҳам рамазоннинг дастлабки кунлариданоқ ташкил этиб келинмоқда. Хусусан, Баландариқ маҳалласида жойлашган «Жайҳун» тантаналар мажмуасига 3-сектор ҳудудидаги тўққизта маҳалладан эҳтиёжманд ва ногиронлиги бор оилалар вакиллари таклиф қилиниб, уларга эҳтиром кўрсатилди ва эсдалик совғалари топширилди.

Тадбирда вилоят ҳокимининг ўринбосари Жамшед Хатамов, вилоят бош имом-хатиби Мусохон Аббосиддинов, «Нуроний» жамғармаси туман бўлими раиси Тоҳиржон Исматиллаевлар иштирок этдилар.

Ифторликлар вилоятимизнинг барча худудларида давом этмоқда.

Наманган вилояти ҳокимлиги Ахборот хизмати.