Таклиф тезда ечим топди

• 13.Июня.2022
• 811

Маҳалламизда ҳоким ёрдамчиси иш бошлаб, хонадонма-хонадон айланиб, оилалардаги муаммоларни  ўрганяпти, деганларида ишонмагандим. 
Аммо бу ҳақиқат экан. Боиси, Меҳнатобод маҳалламиз ҳоким ёрдамчиси Комилжон Умаров уйимизга ташриф буюриб, муаммоларимизни, таклиф-мулоҳазаларимизни сўради, суҳбатлашди. 
Мен уйда чеварлик билан фаолият юритувчи келиним борлиги, шунинг учун бизнинг тикув машинасига эҳтиёжимиз мавжудлигини айтдим. Тез орада «JAСK» номли аврлов ҳамда тикув машиналарига эга бўлдик. Эндиликда келиним уйда оила, фарзандлари даврасида туриб ҳам рўзғорга даромад ва барака киритмоқда. 
Халқ дардини тинглаб, муаммоларига тезда ечим топувчи Комилжон Умаров каби фидойилар сафи ортишини тилаб қоламиз.

Гавҳар МЎМИНОВА,
Янги Наманган тумани.